25 қазанға арналған іс - шаралар жоспары аясында "№8 жалпы орта білім беретін эстетикалық тәрбие мектеп-кешені " КММ-де "Жас Ұлан"балалар-жасөспірімдер ұйымының қатарына үздік оқушыларды қабылдау рәсімі өтті.

Бұл ұйымның негізгі мақсаты-оқушылардың әлеуметтік, танымдық және шығармашылық белсенділігін арттыру.

Жас Ұланшылар қатарын 5 сынып оқушылары толықтырды.

Бірлестік қатарына өз мектебінің намысын бірнеше рет қорғаған үздік балалар, белсенділер кірді. Олардың барлығы патриот болуға, елдің мемлекеттік рәміздерін құрметтеуге және туған жерін сүюге ант берді. Жас Ұландар балалар мен жасөспірімдер ұйымының қатарына қосыла отырып, үлкен жауапкершілікті өздеріне алатынын жақсы түсінеді.

Мектеп директоры Уәлиева Әйгерім Файзуллақызы жас Ұланшыларға мектептің қоғамдық өміріне белсенді қатысып, үздік оқуды тіледі. Іс-шараға "Даналық мектебім" әжелер клубының қатысушысы Айман Есілбайқызы Токсанова қатысып, оқушыларды құттықтады.

Балалар ұйымында өткізген жылдар сіз үшін қызықты және танымдық болсын. Жақсы күндерде жолыққанша!